בסיעתא דשמיא

ברכת המזון השלם עם טעמי מקרא | Full Birkat haMazon with Ta’amei haMiqra (cantillation), by Isaac Gantwerk Mayer (Nusaḥ Ashkenaz)

Hebrew (source)

בִּרְכָּ֨ת הַמָּז֜וֹן שָׁלֵ֗ם
מְנֻקֶּ֨דֶת֙ בַנִּקּ֣וּד טְבֶרְיָנִ֔י
וּמֻטְעֶ֖מֶת בְּטַעֲמֵ֣י הַמִּקְרָ֑א
לְגַמְרֵ֗יהּ‎
לְפִי֙ נֻ֣סָּח אַשְׁכְּנַ֔ז‎
עִ֕ם נֻסָּחִ֧ים אַחֵרִ֛ים‎
נִבְחָרִ֖ים עַל־יְדֵ֥י הָעֽוֹרֵךְ׃

נֶעֱרֶ֨כֶת֙ וּמֻ֣טְעֶ֔מֶת עַל־יְדֵ֕י יִצְחָ֧ק הָרְאֵ֛ל בֶּן־אַבְרָהָ֥ם מֵאִ֖יר הַכֹּהֵֽן׃


בימים אין בו תחנון, קוראים תהלים פרק קכו
שִׁ֗יר הַֽמַּ֫עֲל֥וֹת בְּשׁ֣וּב יְ֭הֹוָה אֶת־שִׁיבַ֣ת צִיּ֑וֹן
הָ֝יִ֗ינוּ כְּחֹלְמִֽים׃ אָ֤ז יִמָּלֵ֪א שְׂח֡וֹק פִּינוּ֮ וּלְשׁוֹנֵ֢נוּ רִ֫נָּ֥ה
אָ֭ז יֹאמְר֣וּ בַגּוֹיִ֑ם הִגְדִּ֥יל יְ֝הֹוָ֗ה לַעֲשׂ֥וֹת עִם־אֵֽלֶּה׃
הִגְדִּ֣יל יְ֭הֹוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃
שׁוּבָ֣ה יְ֭הֹוָה אֶת־שְׁבִיתֵ֑נוּ שבותנו
כַּאֲפִיקִ֥ים בַּנֶּֽגֶב׃ הַזֹּרְעִ֥ים בְּדִמְעָ֗ה
בְּרִנָּ֥ה יִקְצֹֽרוּ׃ הָ֘ל֤וֹךְ יֵלֵ֨ךְ ׀ וּבָכֹה֮
נֹשֵׂ֢א מֶשֶׁךְ־הַ֫זָּ֥רַע בֹּא־יָבֹ֥א בְרִנָּ֑ה נֹ֝שֵׂ֗א אֲלֻמֹּתָֽיו׃

וכאן יש אמרים
תְּהִלַּ֥ת יְהֹוָ֗ה יְֽדַבֶּ֫ר פִּ֥י וִיבָרֵ֣ךְ כׇּל־בָּ֭שָׂר שֵׁ֥ם קׇדְשׁ֗וֹ לְעוֹלָ֥ם וָעֶֽד׃
וַאֲנַ֤חְנוּ ׀ נְבָ֘רֵ֤ךְ יָ֗הּ מֵעַתָּ֥ה וְעַד־עוֹלָ֗ם
הַֽלְלוּ־יָֽהּ׃ הַ֥לְלוּ יָ֨הּ ׀
הוֹד֣וּ לַיהֹוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃
מִ֗י יְ֭מַלֵּל גְּבוּר֣וֹת יְהֹוָ֑ה יַ֝שְׁמִ֗יעַ כׇּל־תְּהִלָּתֽוֹ׃

בימים שיש בו תחנון, יש קראים תהלים פרק קלז
עַ֥ל נַהֲר֨וֹת ׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ
בְּ֝זׇכְרֵ֗נוּ אֶת־צִיּֽוֹן׃
עַֽל־עֲרָבִ֥ים בְּתוֹכָ֑הּ תָּ֝לִ֗ינוּ כִּנֹּרוֹתֵֽינוּ׃
כִּ֤י שָׁ֨ם שְֽׁאֵל֢וּנוּ שׁוֹבֵ֡ינוּ דִּבְרֵי־שִׁ֭יר וְתוֹלָלֵ֣ינוּ שִׂמְחָ֑ה
שִׁ֥ירוּ לָ֗֝נוּ מִשִּׁ֥יר צִיּֽוֹן׃
אֵ֗יךְ נָשִׁ֥יר אֶת־שִׁיר־יְהֹוָ֑ה עַ֗֝ל אַדְמַ֥ת נֵכָֽר׃
אִֽם־אֶשְׁכָּחֵ֥ךְ יְֽרוּשָׁלָ֗‍ִם תִּשְׁכַּ֥ח יְמִינִֽי׃
תִּדְבַּֽק־לְשׁוֹנִ֨י ׀ לְחִכִּי֮ אִם־לֹ֢א אֶ֫זְכְּרֵ֥כִי
אִם־לֹ֣א אַ֭עֲלֶה אֶת־יְרוּשָׁלַ֑‍ִם עַ֗֝ל רֹ֣אשׁ שִׂמְחָתִֽי׃
זְכֹ֤ר יְהֹוָ֨ה ׀ לִבְנֵ֬י אֱד֗וֹם אֵת֮ י֤וֹם יְֽרוּשָׁ֫לָ֥‍ִם
הָ֭אֹ֣מְרִים עָ֤רוּ ׀ עָ֑רוּ עַ֗֝ד הַיְס֥וֹד בָּֽהּ׃
בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ
אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃
אַשְׁרֵ֤י ׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃

אם יותר משלושה אנשים היו אוכלים כאן, אומרים את הזימון.
אם יותר מעשרה אנשים היו אוכלים כאן, אומרים את המילה אֱ֣לֹהֵ֔ינוּ
לסעודת חתן וכלה, קוראים למטה. לסעודת ברית מילה, קוראים למטה.
יש אומרים בבית אבל, קוראים למטה

המזמן – רַבּוֹתַ֨י נְבָרֵ֜ךְ!
האוכלים – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֣ד עוֹלָ֑ם ־
המזמן – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֥ד עוֹלָֽם׃
בִּרְשׁ֕וּת מְרָנָ֥ן וְרַבָּנָ֖ן וְרַבּוֹתַ֑י
נְבָרֵךְ֙ אֱ֣לֹהֵ֔ינוּ שֶׁ֣אָכַ֔לְנוּ מִ֖שֶּֽׁלוֹ׃
האוכלים – בָּרוּךְ֙ אֱ֣לֹהֵ֔ינוּ שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִ֑ינוּ
המזמן – בָּרוּךְ֙ אֱ֣לֹהֵ֔ינוּ שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִֽינוּ׃
האוכלים – בָּר֥וּךְ ה֖וּא וּבָר֥וּךְ שְׁמֽוֹ׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם הַזָּ֨ן אֶת־הָעוֹלָ֤ם כֻּלּוֹ֙ בְּטוּב֔וֹ בְּחֵ֨ן בְּחֶ֜סֶד וּבְרַחֲמִ֗ים ה֣וּא נֹתֵ֣ן לֶ֘חֶם֮ לְכׇ֣ל בָּשָׂר֒ כִּ֣י ׀ לְעוֹלָ֣ם חַסְדּ֗וֹ וּבְטוּב֤וֹ הַגָּדוֹל֙ תָּמִיד֙ לֹ֣א־חָסַ֣ר לָ֔נוּ וְאַ֨ל יֶחְסַ֣ר לָ֔נוּ מָז֣וֹן ׀ לְעוֹלָ֣ם וָעֶ֗ד בַּעֲבוּר֙ שְׁמ֣וֹ הַגָּד֔וֹל כִּ֨י ה֤וּא אֵל־זָן֙ וּמְפַרְנֵ֣ס לַכֹּ֔ל וּמֵיטִ֣יב לַכֹּ֔ל וּמֵכִ֧ין מָז֛וֹן לְכׇ֥ל בְּרִיּוֹת֖יו אֲשֶׁ֥ר בָּרָֽא׃
ויש אומרים – כָּאָמ֕וּר פּוֹתֵ֥חַ אֶת־יָדֶ֑ךָ וּמַשְׂבִּ֖יעַ לְכָל־חַ֣י רָצֽוֹן׃
בָּרוּךְ֙ אַתָּ֣ה יהו֔ה הַזָּ֖ן אֶ֥ת הַכֹּֽל׃

נוֹדֶ֨ה לְּ֜ךָ יהו֣ה אֱלֹהֵ֗ינוּ עַ֚ל שֶׁהִנְחַ֣לְתָּ לַאֲבוֹתֵ֔ינוּ אֶ֞רֶץ חֶמְדָּ֣ה ׀ טוֹבָ֣ה וּרְחָבָ֗ה וְעַ֣ל שֶׁהוֹצֵאתָ֩נוּ֩ יהו֨ה אֱלֹהֵ֜ינוּ מֵאֶ֣רֶץ מִצְרַ֗יִם וּפְדִ֘יתָנוּ֮ מִבֵּ֣ית עֲבָדִים֒ וְעַ֣ל בְּרִיתְךָ֩ שֶׁחָתַ֨מְתָּ בִּבְשָׂרֵ֝נוּ וְעַ֣ל ׀ תּוֹרָתְךָ֣ שֶׁלִּמַּדְתָּ֗נוּ וְעַ֤ל חֻקֶּ֨יךָ֙ שֶׁה֣וֹדַעְתָּ֔נוּ וְעַ֥ל־חַ֛יִּים חֵ֥ן וָחֶ֖סֶד שֶׁחוֹנַנְתָּ֑נוּ וְעַ֣ל אֲכִילַ֣ת מָז֗וֹן שָׁאַתָּ֨ה זָ֤ן וּמְפַרְנֵס֙ אוֹתָ֔נוּ תָּמִ֕יד בְּכׇל־יוֹ֥ם וּבְכׇל־עֵ֖ת וּבְכׇ֥ל שָׁעָֽה׃

בחנוכה ובפורים אומרים (וגם ביום העצמאות יש אומרים)
[יש אומרים וְ]עַ֨ל הַנִּסִּ֜ים וְעַ֤ל הַפֻּרְקָן֙ וְעַ֣ל הַגְּבוּר֔וֹת וְעַ֣ל הַתְּשׁוּע֗וֹת וְעַ֤ל הַנִּפְלָאוֹת֙ וְעַ֣ל הַנֶּחָמ֔וֹת שֶׁעָשִׂ֖יתָ לַאֲבוֹתֵ֑ינוּ בַּיָּמִ֣ים הָהֵ֔ם בַּזְּמַ֖ן הַזֶּֽה׃ [ובמקומו יש אומרים וּבַזְּמַ֖ן הַזֶּֽה׃]

לחנוכה בִּימֵ֗י מַתִּתְיָ֨הוּ֙ בֶן־יוֹחָנָ֔ן כֹּהֵ֣ן גָּד֣וֹל חַשְׁמוֹנָ֘אִי֮ וּבָנָיו֒ כְּשֶׁעָמְדָה֩ מַלְכ֨וּת יָוָ֜ן הָרְשָׁעָ֗ה עַ֨ל עַמְּךָ֤ יִשְׂרָאֵל֙ לְהַשׁכִּיחָ֣ם [יש אומרים מִ]תּוֹרָתֶ֔ךָ וּלְהַעֲבִירָ֖ם מֵחֻקֵּ֣י רְצוֹנֶ֑ךָ וְאַתָּ֗ה בְּרַ֨חֲמֶ֤יךָ הָרַבִּים֙ עָמַדְתָּ֣ לָהֶ֔ם בְּעֵ֖ת צָרָתָֽם׃ רַבְתָּ֨ אֶת־רִיבָ֝ם דַּנְתָּ֧ אֶת־דִּינָ֛ם נָקַמְתָּ֖ אֶ֣ת־נִקְמָתָ֑ם מָסַרְתָּ֨ גִבּוֹרִ֜ים בְּיַ֣ד חַלָּשִׁ֗ים וְרַבִּים֩ בְּיַ֨ד מְעַטִּ֜ים וּטְמֵ֤אִים֙ בְּיַ֣ד טְהוֹרִ֔ים וּרְשָׁעִים֙ בְּיַ֣ד צַדִּיקִ֔ים וְזֵדִ֖ים בְּיַד־עוֹסְקֵ֥י תוֹרָתֶֽךָ׃ וּלְךָ֣ עָשִׂ֗יתָ שֵׁ֕ם גָּד֥וֹל וְקָד֖וֹשׁ בְּעוֹלָמֶ֑ךָ וּלְעַמְּךָ֣ יִשְׂרָאֵ֗ל עָשִׂ֞יתָ תְּשׁוּעָ֤ה גְדוֹלָה֙ וּפֻרְקָ֔ן כְּהַיּ֖וֹם הַזֶּֽה׃ וְאַחַר־כֵּ֣ן ׀ בָּ֣אוּ בָנֶ֡יךָ לִדְבִ֣יר בֵּ֠יתֶ֠ךָ וּפִ֨נּוּ אֶת־הֵיכָלֶ֜ךָ וְטִהֲר֧וּ אֶת־מִקְדָּשֶׁ֛ךָ וְהִדְלִ֥יקוּ נֵר֖וֹת בְּחַצְר֣וֹת קׇדְשֶׁ֑ךָ וְקָבְ֗עוּ שְׁמוֹנַ֨ת יְמֵ֤י חֲנֻכָּה֙ אֵ֔לּוּ לְהוֹד֛וֹת וּלְהַלֵּ֥ל לְשִׁמְךָ֖ הַגָּדֽוֹל׃

לפורים בִּימֵ֗י מׇרְדֳּכַ֤י וְאֶסְתֵּר֙ בְּשׁוּשַׁ֣ן הַבִּירָ֔ה כְּשֶׁעָמַ֨ד עֲלֵיהֶ֜ם הָמָן֮ ׀ הָרָשָׁע֒ בִּקֵּ֣שׁ לְהַשְׁמִיד֩ וְלַהֲרֹ֨ג וּלְאַבֵּ֜ד אֶ֤ת כׇּל־הַיְּהוּדִים֙ מִנַּ֣עַר וְעַד־זָקֵ֔ן טַ֖ף וְנָשִׁ֑ים בְּי֣וֹם אֶחָ֗ד בִּשְׁלֹשָׁ֤ה עָשָׂר֙ לְחֹ֣דֶשׁ שְׁנֵ֣ים עָשָׂ֔ר ה֚וּא חֹ֣דֶשׁ אֲדָ֔ר וּשְׁלָלָ֖ם לָבֽוֹז׃ וְאַתָּ֗ה בְּרַ֨חֲמֶ֤יךָ הָרַבִּים֙ הֵפַרְתָּ֣ אֶת־עֲצָת֔וֹ וְקִ֥לְקַ֨לְתָּ֙ אֶ֣ת מַ֣חֲשַׁבְתּ֔וֹ וַהֲשֵׁב֧וֹתָ ל֛וֹ גְמוּל֖וֹ בְרֹאשׁ֑וֹ וְתָ֩לוּ֩ אוֹת֨וֹ וְאֶ֤ת בָּנָיו֙ עַ֣ל הָעֵ֔ץ וְעָשִׂ֤יתָ עִמָּהֶם֙ נִסִּ֣ים וְנִפְלָא֔וֹת וְנוֹדֶ֕ה לְשִׁמְךָ֥ הַגָּד֖וֹל סֶֽלָה׃

וביום העצמאות יש אמרים
בִּימֵי֩ שִׁיבַ֨ת צִיּ֜וֹן הַשְּׁנִיָּ֗ה כְּשֶׁעָמְדוּ֙ עַמֵּ֣י עֲרָ֔ב עַל־עַמְּךָ֥ יִשְׂרָאֵ֖ל בָּאָ֣רֶץ לֵאמֹ֑ר לְכוּ֙ וְנַכְחִידֵ֣ם מִגּ֔וֹי וְלֹ֣א יִזָּכֵ֔ר שֵׁ֥ם יִשְׂרָאֵ֖ל ע֑וֹד וְאַתָּ֗ה בְּרַ֨חֲמֶ֤יךָ הָרַבִּים֙ עָמַדְתָּ֣ לְעַמְּךָ֔ בְּעֵ֖ת צָרָתָֽם׃ רַבְתָּ֨ אֶת־רִיבָ֝ם דַּנְתָּ֧ אֶת־דִּינָ֛ם לִמַּדְתָּ֤ יְדֵ֨יהֶם֙ לַקְּרָ֔ב אֶ֧צְבְּעוֹתֵ֛יהֶם לַמִּ֥לְחָמָֽה׃ מָסַרְתָּ֥ גִבּוֹרִ֖ים בְּיַ֣ד חַלָּשִׁ֑ים רַבִּים֙ בְּיַ֣ד מְעַטִּ֔ים וְזֵדִ֖ים בְּיַד־בְּנֵ֖י בְרִיתֶֽךָ׃ לְךָ֣ עָשִׂ֗יתָ שֵׁ֕ם גָּד֥וֹל וְקָד֖וֹשׁ בְּעוֹלָמֶ֑ךָ וּלְעַמְּךָ֣ יִשְׂרָאֵ֗ל עָשִׂ֞יתָ תְּשׁוּעָ֤ה גְדוֹלָה֙ וּפֻרְקָ֔ן כְּהַיּ֖וֹם הַזֶּֽה׃

וְעַ֨ל הַכֹּ֝ל יהו֣ה אֱלֹהֵ֗ינוּ אֲנַ֤חְנוּ מוֹדִים֙ לָ֔ךְ וּמְבָרְכִ֖ים אוֹתָ֑ךְ יִתְבָּרַ֤ךְ שִׁמְךָ֙ בְּפִ֣י כׇּל־חַ֔י תָּמִ֕יד לְעוֹלָ֖ם וָעֶֽד׃ כַּכָּת֕וּב וְאָכַלְתָּ֖ וְשָׂבָ֑עְתָּ וּבֵֽרַכְתָּ֙ אֶת־יְהֹוָ֣ה אֱלֹהֶ֔יךָ עַל־הָאָ֥רֶץ הַטֹּבָ֖ה אֲשֶׁ֥ר נָֽתַן־לָֽךְ׃ בָּרוּךְ֙ אַתָּ֣ה יהו֔ה עַ֥ל־הָאָ֖רֶץ וְעַ֥ל־הַמָּזֽוֹן׃

רַחֵ֣ם ׀ יהו֣ה אֱלֹהֵ֗ינוּ עַל־יִשְׂרָאֵ֨ל עַמֶּ֝ךָ וְעַ֤ל יְרוּשָׁלַיִם֙ עִירֶ֔ךָ וְעַ֣ל־צִיּ֣וֹן ׀ מִשְׁכַּ֣ן כְּבוֹדֶ֡ךָ וְעַל־מַלְכ֣וּת ׀ בֵּית־דָּוִ֣ד מְשִׁיחֶךָ֩ וְעַ֨ל הַבַּ֧יִת הַגָד֛וֹל וְהַקָד֥וֹשׁ שֶׁנִּקְרָ֖א שִׁמְךָ֣ עָלָ֑יו אֱלֹהֵ֣ינוּ ׀ אָבִ֣ינוּ ׀ רְעֵ֣נוּ ׀ זוּנֵ֣נוּ ׀ פַרְנְסֵ֣נוּ ׀ וְכַלְכְּלֵ֣נוּ וְהַרְוִיחֵ֡נוּ, וְהַרְוַ֣ח לָ֩נוּ֩ יהו֨ה אֱלֹהֵ֜ינוּ מְהֵרָ֣ה ׀ מִכׇּ֣ל צָרוֹתֵ֗ינוּ וְנָ֣א אַל־תַּצְרִיכֵ֩נוּ֩ יהו֨ה אֱלֹהֵ֜ינוּ לֹ֨א לִידֵ֤י מַתְּנַת֙ בָּשָׂ֣ר וָדָ֔ם וְלֹ֤א לִידֵי֙ הַ֣לְוָאָתָ֔ם כִּי־אִ֣ם לְיָדְךָ֗ הַמְּלֵאָ֣ה ׀ הַפְּתוּחָ֣ה ׀ הַקְּדוֹשָׁ֣ה ׀ וְ֠הָרְחָבָה שֶׁלֹא־נֵב֧וֹשׁ וְלֹא־נִכָּלֵ֛ם לְעוֹלָ֖ם וָעֶֽד׃

ביום השבת אומרים –
רְצֵ֣ה וְהַחֲלִיצֵ֗נוּ יהו֨ה אֱלֹהֵ֜ינוּ בְּמִצְווֹתֶ֗יךָ וּבְמִצְוַת֩ י֨וֹם הַשְׁבִיעִ֜י הַשַׁבָּ֨ת הַגָּד֤וֹל וְהַקָדוֹשׂ֙ הַזֶּ֔ה כִּ֥י י֨וֹם זֶ֜ה גָּד֤וֹל וְקָדוֹשׁ֙ ה֣וּא לְפָנֶ֔יךָ לִשְׁבׇּת־בּוֹ֙ וְלָנ֣וּחַ בּ֔וֹ בְּאַהֲבָ֖ה כְּמִצְוַ֣ת רְצוֹנֶ֑ךָ וּבִרְצוֹנְךָ֣ ׀ הָנִ֣יחַ לָנוּ֩ יהו֨ה אֱלֹהֵ֜ינוּ שֶׁלֹּ֣א תְהֵ֗א צָרָ֣ה וְיָג֣וֹן וַאֲנָחָה֮ בְּי֣וֹם מְנוּחָתֵ֒נוּ֒ וְהַרְאֵנוּ֩ יהו֨ה אֱלֹהֵ֜ינוּ בְּנֶחָמַ֤ת צִיוֹן֙ עִירֶ֔ךָ וּבְבִנְיַ֤ן יְרוּשָׁלַיִם֙ עִ֣יר קׇדְשֶׁ֔ךָ כִּי־אַתָּ֕ה ה֛וּא בַּ֥עַל הַיְשׁוּע֖וֹת וּבַ֥עַל הַנֶּחָמֽוֹת׃

בראש חודש ובמועדים אומרים –
אֱלֹהֵינוּ וֵאלֹהֵי אֲבוֹתֵינוּ יַעֲלֶ֣ה ׀ וְיָבֹ֣א ׀ יַגִּ֣יעַ ׀ יֵרָאֶ֣ה ׀ וְיֵרָצֶ֣ה ׀ יִשָּׁמַ֣ע ׀ יִפָּקֵ֣ד ׀ וְיִזָּכֵ֣ר זִכְרוֹנֵ֡נוּ וּ֠פִקְדוֹנֵנוּ וְזִכְר֨וֹן אֲבוֹתֵ֝ינוּ וְזִכְר֣וֹן מָשִׁ֘יחַ֮ בֶּן־דָּוִ֣ד עַבְדֶּ֒ךָ֒ וְזִכְר֤וֹן יְרוּשָׁלַ֨יִם֙ עִ֣יר קׇדְשֶׁ֔ךָ וְזִכְר֛וֹן כׇּל־עַמְּךָ֥ בֵּית־יִשְׂרָאֵ֖ל לְפָנֶ֑יךָ לִפְלֵטָ֨ה לְטוֹבָ֜ה לְחֵ֤ן לְחֶ֨סֶד֙ וּלְרַ֣חֲמִ֔ים לְחַיִּ֧ים וּלְשָׁל֛וֹם בְּי֥וֹם…

רֹאשׁ־הַחֹ֖דֶשׁ הַזֶּֽה׃
חַג־הַמַּצּ֖וֹת הַזֶּֽה׃
חַג־הַשָּׁבוּע֖וֹת הַזֶּֽה׃
הַזִּכָּר֖וֹן הַזֶּֽה׃
חַג־הַסֻּכּ֖וֹת הַזֶּֽה׃
הַשְּׁמִינִ֖י חַג־הָעֲצֶ֥רֶת הַזֶּֽה׃


זׇכְרֵ֨נוּ֙ יהו֣ה אֱלֹהֵ֔ינוּ בּ֖וֹ לְטוֹבָֽה׃   האוכלים – אָמֵֽן׃
וּפׇ֣קְדֵ֔נוּ ב֖וֹ לִבְרָכָֽה׃ האוכלים – אָמֵֽן׃
וְה֣וֹשִׁיעֵ֔נוּ ב֖וֹ לְחַיִּֽים׃ האוכלים – אָמֵֽן׃
וּבִדְבַ֨ר יְשׁוּעָ֤ה וְרַחֲמִים֙ ח֣וּס וְחׇנֵּ֔נוּ וְרַחֵ֥ם עָלֵ֖ינוּ וְהוֹשִׁיעֵ֑נוּ כִּ֚י אֵלֶ֣יךָ עֵינֵ֔ינוּ כִּ֨י אֵ֥ל מֶ֛לֶךְ חַנּ֥וּן וְרַח֖וּם אָֽתָּה׃

בבית אבל, קוראים למטה כאן
וּבְנֵ֨ה יְרוּשָׁלַ֜יִם עִ֤יר הַקֹּדֶשׁ֙ בִּמְהֵרָ֣ה בְיָמֵ֔ינוּ בָּרוּךְ֙ אַתָּ֣ה יהו֔ה בּוֹנֵ֣ה בְרַחֲמָ֔יו יְרוּשָׁלַ֖יִם אָמֵֽן׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם הָאֵ֣ל ׀ אָבִ֣ינוּ ׀ מַלְכֵּ֣נוּ ׀ אַדִירֵ֣נוּ ׀ בּוֹרְאֵ֣נוּ ׀ גֹּאֲלֵ֣נוּ ׀ יוֹצְרֵ֣נוּ קְ֠דוֹשֵׁנוּ קְד֨וֹשׁ יַעֲקֹ֜ב רוֹעֵ֣נוּ ׀ רוֹעֵ֣ה יִשְׂרָאַ֗ל הַמֶּ֕לֶךְ הַטּ֥וֹב וְהַמֵּיטִ֖יב לַכֹּ֑ל שֶׁבְּכׇ֥ל י֨וֹם וָי֜וֹם [יש אומרים בבית אבל, קוראים למטה כאן] ה֨וּא הֵיטִ֤יב הוּא־מֵיטִיב֙ ה֣וּא יֵיטִ֣יב לָ֔נוּ ה֨וּא גְמָלָ֤נוּ הוּא־גוֹמְלֵ֨נוּ֙ ה֣וּא יִגְמְלֵ֣נוּ לָעַ֔ד לְחֵ֣ן ׀ וּלְחֶ֣סֶד ׀ וּלְרַחֲמִ֣ים ׀ וּלְרֶ֣וַח ׀ הַצָּלָ֣ה ׀ וְהַצְלָחָ֡ה ׀ בְּרָכָ֣ה ׀ וִישׁוּעָ֣ה ׀ נֶחָמָ֣ה ׀ פַּרְנָסָ֣ה ׀ וְ֠כַלְכָּלָ֠ה וְרַחֲמִ֨ים וְחַיִּ֤ים וְשָׁלוֹם֙ וְכׇ֣ל ט֔וֹב וּמִכׇּ֣ל ט֔וּב לְעוֹלָ֖ם אַ֥ל יְחַסְּרֵֽנוּ׃

הָרַחֲמָ֕ן ה֥וּא יִמְל֖וֹךְ עָלֵ֑ינוּ לְעוֹלָ֖ם וָעֶֽד׃

הָרַחֲמָ֕ן ה֥וּא יִ֖תְבָּרַ֑ךְ בַּשָּׁמַ֖יִם וּבָאָֽרֶץ׃

הָרַחֲמָ֕ן ה֨וּא יִ֤שְׁתַּבַּח֙ לְד֣וֹר דּוֹרִ֔ים וְיִתְפָּאַ֨ר בָּ֥נוּ [לָעַ֛ד] וּלְנֵ֖צַח נְצָחִ֑ים וְיִ֨תְהַדַּ֤ר בָּ֨נוּ֙ לָעַ֔ד וּלְעוֹלְמֵ֖י עוֹלָמִֽים׃

הָרַחֲמָ֕ן ה֥וּא יְפַרְנְסֵ֖נוּ בְּכָבֽוֹד׃

הָרַחֲמָ֞ן הוּא־יִשְׁבּ֥וֹר עֻלֵּ֖נוּ מֵעַ֣ל צַּוָּארֵ֑נוּ וְה֣וּא יוֹלִיכֵ֔נוּ קוֹמְמִ֖יוּת לְאַרְצֵֽנוּ׃

הָרַחֲמָ֕ן ה֨וּא יִשְׁלַ֤ח לָנוּ֙ בְּרָכָ֣ה מְרֻבָּ֔ה בַּבַּ֖יִת הַזֶּ֑ה וְעַ֣ל שֻׁלְחָן־זֶ֔ה שֶׁאָכַ֖לְנוּ עָלָֽיו׃

הָרַחֲמָ֕ן ה֥וּא יִשְׁלַ֨ח לָ֝נוּ אֶ֣ת אֵלִיָּ֣הוּ הַנָּבִיא֮ זָכ֣וּר לַטּוֹב֒ וִיבַ֤שֵּׂר לָנוּ֙ בְּשׂוֹר֣וֹת טוֹב֔וֹת יְשׁוּע֖וֹת וְנֶחָמֽוֹת׃

הָרַחֲמָ֕ן ה֨וּא יְבָרֵ֜ךְ 
– בבית ההורים אומרים אֶת־אָבִ֣י מוֹרִ֗י בַּ֚עַל הַבַּ֣יִת הַזֶּ֔ה וְאֶת֙ אִמִּ֣י מוֹרָתִ֔י בַּעֲלַ֥ת הַבַּ֖יִת הַזֶּ֑ה

– נשויים אומרים אוֹתִ֣י וְאֶת־אִשְׁתִּ֗י\וְאֶת־בַּעֲלִ֗י וְאֶת֙ זַרְעִ֔י וְאֶ֖ת כׇּ֣ל־אֲשֶׁ֣ר לִ֑י

– אורכים אומרים אֶת־בַּעַל־הַבַּ֣יִת הַזֶּ֗ה וְאֶת֙ בַּעֲלַת־הַבַּ֣יִת הַזֶּ֔ה אוֹתָ֤ם וְאֶת־בֵּיתָם֙ וְאֶת־זַרְעָ֔ם וְאֶ֖ת כׇּ֣ל־אֲשֶׁ֣ר לָהֶ֑ם

[ויש אומרים] יְהִ֨י רָצ֝וֹן שֶׁלֹּ֙א יֵב֤וֹשׁ בַּעַל־הַבַּ֨יִת֙ בָּעוֹלָ֣ם הַזֶּ֔ה וְלֹ֤א יִכָּלֵם֙ לָעוֹלָ֣ם הַבָּ֔א וְיִצְלַ֨ח מְאֹ֜ד בְּכׇ֣ל נְכָסָ֗יו וְיִהְי֨וּ נְכָסָ֤יו וּנְכָסֵ֨ינוּ֙ מֻצְלָחִ֔ים וּקְרוֹבִ֑ים לָעִֽיר׃ וְאַ֞ל יִשְׁלֹ֨ט שָׂטָ֝ן לֹ֤א בְּמַעֲשֵׂי֙ יָדָ֔יו וְלֹ֕א בְּמַעֲשֵׂ֖י יָדֵ֑ינוּ וְאַ֣ל יִזְדַקֵּק֮ לֹ֣א לְפָנָיו֒ וְלֹ֣א לְ֠פָנֵ֠ינוּ שׁ֨וּם דְבַ֤ר הַרְהוֹר֙ חֵ֚טְא וַעֲבֵרָ֣ה וְעָוֹ֔ן מֵעַתָּ֖ה וְעַ֥ד עוֹלָֽם׃

– בסעודה משותפת אֶת־כׇּ֣ל הַמְּסֻבִּין־כַּ֗אן אוֹתָ֤ם וְאֶת־בֵּיתָם֙ וְאֶת־זַרְעָ֔ם וְאֶ֖ת כׇּ֣ל־אֲשֶׁ֣ר לָהֶ֑ם

אוֹתָ֗נוּ וְאֶת֙ כׇּ֣ל־אֲשֶׁר לָ֔נוּ כְּמ֨וֹ שֶׁנִּתְבָּרְכ֤וּ אֲבוֹתֵ֨ינוּ֙ אַבְרָהָם֙ יִצְחָ֣ק וְיַעֲקֹ֔ב בַּכֹּ֨ל מִכֹּ֣ל כֹּ֔ל שָׂרָה֙ רִבְקָ֔ה רָחֵ֤ל וּבִלְהָה֙ לֵאָ֣ה וְזִלְפָּ֔ה כֵּ֗ן יְבָרֵ֣ךְ אוֹתָ֨נוּ֙ כֻּלָּ֣נוּ יַ֔חַד בִּבְרָכָ֥ה שְׁלֵמָ֖ה וְנֹאמַ֥ר אָמֵֽן׃ בַּמָר֤וֹם יְלַמְּדוּ֙ עֲלֵיהֶ֣ם וְעָלֵ֔ינוּ זְכ֥וּת שֶׁתְּהֵ֖א לְמִשְׁמֶ֣רֶת שָׁל֑וֹם וְנִשָׂ֨א בְרָכָ֜ה מֵאֵ֣ת יהו֗ה וּ֤צְדָקָה֙ מֵאֱלֹהֵ֣י יִשְׁעֵ֔נוּ וְנִמְצָא֙ חֵ֧ן וְשֵׂכֶל־ט֛וֹב בְּעֵינֵ֥י אֱלֹהִ֖ים וְאָדָֽם׃

הָרַחֲמָ֕ן ה֤וּא יְבָרֶךְ֙ אֶת־הָאָ֣רֶץ הַזֹּ֔את וְיָגֵ֥ן עָלֶ֖יהָ בְּשָׁלֽוֹם׃

הָרַחֲמָ֕ן ה֤וּא יְבָרֶךְ֙ אֶת־מְדִינַ֣ת יִשְׂרָאֵ֔ל [שֶׁתְּהֵ֕א] רֵאשִׂ֥ית צְמִיחַ֖ת גְּאֻלָּתֵֽנוּ׃

הָרַחֲמָ֕ן ה֣וּא יִפְרֹשׂ֩ סֻכַּ֨ת שָׁל֧וֹם וְשַׁלְוַ֛ה בֵּ֥ין בְּנֵי־יִשְׁמָעֵ֖אל וּבֵ֣ין בְּנֵי־יְצְחָ֑ק  וְסֻכַּת֙ הַשְׁקֵ֣ט וָבֶ֔טַח בֵ֥ין בְּנֵי־עֵשָׂ֖ו וּבֵ֥ין בְּנֵי־יַעֲקֹֽב׃

ביום שבת אומרים
הָרַחֲמָ֕ן ה֚וּא יַ֣נְחִילֵ֔נוּ יוֹ֖ם שֶׁכֻּל֣וֹ שַׁבָּ֑ת וּמְנוּחָ֖ה לְחַיֵּ֥י הָעוֹלָמִֽים׃

ביום טוב אומרים
הָרַחֲמָ֕ן ה֚וּא יַ֣נְחִילֵ֔נוּ יוֹ֖ם שֶׁכֻּל֥וֹ טֽוֹב׃

נראש חודש אומרים
הָרַחֲמָ֕ן ה֤וּא יְחַדֵּשׁ֙ עָלֵ֔ינוּ אֶת־הָחֹ֣דֶשׁ הַזֶּ֑ה לְטוֹבָ֖ה וְלִבְרָכָֽה׃

נראש השנה אומרים
הָרַחֲמָ֕ן ה֤וּא יְחַדֵּשׁ֙ עָלֵ֔ינוּ אֶת־ הַשָּׁנָ֣ה הַזֹּא֑ת לְטוֹבָ֖ה וְלִבְרָכָֽה׃

בסוכת אומרים
הָרַחֲמָ֕ן ה֤וּא יָקִים֙ לָ֔נוּ אֶ֛ת סֻכַּ֥ת דָּוִ֖ד הַנּוֹפֶֽלֶת׃

יש אומרים לסעודת ברית מילה, קוראים למטה
הָרַחֲמָ֕ן ה֤וּא יְזַכֵּ֨נוּ֙ לִימ֣וֹת הַמָּשִׁ֔יחַ
וּלְחַיֵּ֕י הָעוֹלָ֖ם הַבָּֽא׃

בימי חול
מַגְדִּ֖יל
בר׳אש חודש, מועדים, ושבת
מִגְדּ֖וֹל

יְשׁוּע֣וֹת מַלְכּ֑וֹ וְעֹֽשֶׂה־חֶ֧סֶד לִמְשִׁיח֛וֹ
לְדָוִ֥ד וּלְזַרְע֖וֹ עַד־עוֹלָֽם׃ עֹשֶׂ֥ה שָׁל֖וֹם בִּמְרוֹמָ֑יו
הוּא֩ יַעֲשֶׂ֨ה שָׁל֝ום עָלֵ֗ינוּ וְעַ֥ל כׇּל֙ יִשְׂרָאֵ֔ל
וְעַ֥ל כׇּל֙ יוֹשְׁבֵ֣י תֵבֵ֔ל וְאִמְר֖וּ אָמֵֽן׃


יְר֣אוּ אֶת־יְהֹוָ֣ה קְדֹשָׁ֑יו כִּי־אֵ֥ין מַ֝חְס֗וֹר לִירֵאָֽיו׃
כְּ֭פִירִים רָשׁ֣וּ וְרָעֵ֑בוּ וְדֹרְשֵׁ֥י יְ֝הֹוָ֗ה לֹא־יַחְסְר֥וּ כׇל־טֽוֹב׃
הוֹד֣וּ לַיהֹוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃
פּוֹתֵ֥חַ אֶת־יָדֶ֑ךָ וּמַשְׂבִּ֖יעַ לְכׇל־חַ֣י רָצֽוֹן׃
בָּר֣וּךְ הַגֶּ֔בֶר אֲשֶׁ֥ר יִבְטַ֖ח בַּיהֹוָ֑ה וְהָיָ֥ה יְהֹוָ֖ה מִבְטַחֽוֹ׃
נַ֤עַר ׀ הָיִ֗יתִי גַּם־זָ֫קַ֥נְתִּי וְֽלֹא־רָ֭אִיתִי צַדִּ֣יק נֶעֱזָ֑ב
וְ֝זַרְע֗וֹ מְבַקֶּשׁ־לָֽחֶם׃ יְֽהֹוָ֗ה עֹ֭ז לְעַמּ֣וֹ יִתֵּ֑ן
יְהֹוָ֓ה ׀ יְבָרֵ֖ךְ אֶת־עַמּ֣וֹ בַשָּׁלֽוֹם׃

וכאן יש אומרים
בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם בּוֹרֵ֖א פְּרִ֥י הַגָּֽפֶן׃


יש אומרים לסעודת חתן וכלה, קוראים בשבע ברכות למטה
תוספות לנוסח בסעודת חתן וכלה
זימון לסעודת חתן וכלה

המזמן – רַבּוֹתַ֨י נְבָרֵ֜ךְ!
האוכלים – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֣ד עוֹלָ֑ם
המזמן – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֥ד עוֹלָֽם׃
דְּוַ֤י הָסֵר֙ וְגַם חָר֔וֹן
וְאָ֥ז אִלֵּ֖ם בְּשִׁ֣יר יָר֑וֹן
נְחֵ֣נוּ ׀ מָעְגְּלֵ֣י צֶ֗דֶק
שְׁעֵה֙ בִּרְכַּ֔ת בְּנֵ֥י יְשׁוּר֖וּן בְּנֵ֥י אָהֲרֹֽן׃
בִּרְשׁ֕וּת מְרָנָ֥ן וְרַבָּנָ֖ן וְרַבּוֹתַ֑י
נְבָרֵ֤ךְ אֱלֹהֵ֨ינוּ֙ שֶׁהַשִּׂמְחָ֣ה בִמְעוֹנ֔וֹ שֶׁאָכַ֖לְנוּ מִשֶּׁלּֽוֹ׃
המזמן – בָּר֤וּךְ אֱלֹהֵ֨ינוּ֙ שֶׁהַשִּׂמְחָ֣ה בִמְעוֹנ֔ו וְשֶׁאָכַ֣לְנוּ מִשֶּׁלּ֔וֹ וּבְטוּב֖וֹ חָיִ֑ינוּ
האוכלים – בָּר֤וּךְ אֱלֹהֵ֨ינוּ֙ שֶׁהַשִּׂמְחָ֣ה בִמְעוֹנ֔וֹ וְשֶׁאָכַ֖לְנוּ מִשֶּׁלּ֑וֹ וּבְטוּב֖וֹ חָיִֽינוּ׃
המזמן – בָּר֥וּךְ ה֖וּא וּבָר֥וּךְ שְׁמֽוֹ׃

המזמן –שבע ברכות אחרי סעודת חתן וכלה


בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם שֶׁהַכֹּ֖ל בָּרָ֥א לִכְבוֹדֽוֹ׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם יוֹצֵ֖ר הָאָדָֽם׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם אֲשֶׁר֩ יָצַ֨ר אֶת־הָאָדָ֜ם בְּצַלְמ֗וֹ בְּצֶלֶם֙ דְּמ֣וּת תַּבְנִית֔וֹ וְהִתְקִ֨ין ל֧וֹ מִמֶּ֛נּוּ בִּנְיַ֖ן עֲדֵי־עַֽד׃ בָּרוּךְ֙ אַתָּ֣ה יהו֔ה יוֹצֵ֖ר הָאָדָֽם׃

שׂ֥וֹשׂ תָּשִׂ֖ישׂ וְתָגֵ֣ל עֲקָרָ֑ה בְּקִבּ֣וּץ בָּנֶ֔יהָ לְתוֹכָ֖הּ בְּשִׂמְחָֽה׃ בָּרוּךְ֙ אַתָּ֣ה יהו֔ה מְשַׂמֵּ֥חַ צִיּ֖וֹן בְּבָנֶֽיהָ׃

שַׂמֵ֣חַ תִּשַׁמַ֔ח רֵעִ֖ים הָאֲהוּבִ֑ים כְּשַׂמֵּחֲךָ֗ יְצִירְךָ֛ בְּגַן־עֵ֖דֶן מִקֶּֽדֶם׃ בָּרוּךְ֙ אַתָּ֣ה יהו֔ה מְשַׂמֵּ֥חַ חָתָ֖ן וְכַלָּֽה׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם אֲשֶׁ֣ר בָּרָא֩ שָׂשׂ֨וֹן וְשִׂמְחָ֜ה חָתָ֣ן וְכַלָּ֗ה גִּילָ֤ה רִנָּה֙ דִּיצָ֣ה וְחֶדְוָ֔ה אַהֲבָ֥ה וְאַחְוָ֥ה וְשָׁל֖וֹם וְרֵעוּֽת׃ מְהֵרָ֣ה ׀ יהו֣ה אֱלֹהֵ֗ינוּ יִשָּׁמַ֨ע בְּעָרֵ֤י יְהוּדָה֙ וּבְחֻצ֣וֹת יְרוּשָׁלַ֔‍ִם ק֣וֹל שָׂשׂ֞וֹן וְק֣וֹל שִׂמְחָ֗ה ק֣וֹל חָתָן֮ וְק֣וֹל כַּלָּה֒ ק֗וֹל מִצְהֲל֛וֹת חֲתָנִ֖ים מֵחֻפָּתָ֑ם וּנְעָרִ֖ים מִמִּשְׁתֵּ֥ה נְגִינָתָֽם׃ בָּרוּךְ֙ אַתָּ֣ה יהו֔ה מְשַׂמֵּ֥חַ חָתָ֖ן עִ֥ם הַכַּלָּֽה׃

בָּר֤וּךְ אַתָּה֙ יהו֣ה אֱלֹהֵ֔ינוּ מֶ֖לֶךְ הָעוֹלָ֑ם בּוֹרֵ֖א פְּרִ֥י הַגָּֽפֶן׃


תוספות לנוסח בסעודת ברית מילה
זימון לסעודת ברית מילה

המזמן – רַבּוֹתַ֨י נְבָרֵ֜ךְ!
האוכלים – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֣ד עוֹלָ֑ם 
המזמן – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֥ד עוֹלָֽם׃
נוֹדֶ֥ה לְשִׁמְךָ֭ בְּת֣וֹךְ אֱמוּנַ֑י בְּרוּכִ֥ים אַתֶּ֭ם לַיהוֽה׃
בִּרְשׁ֤וּת אֵל֙ אָי֣וֹם וְנוֹרָ֔א מִשְׂגָּ֖ב לְעִתּ֣וֹת בַּצָּרָ֑ה
אֵ֨ל נֶאְזָ֧ר בִּגְבוּרָ֛ה  אַדִּ֥יר בַּמָּ֖רוֹם יהוה׃
האוכלים – נוֹדֶ֥ה לְשִׁמְךָ֭ בְּת֣וֹךְ אֱמוּנַ֑י  בְּרוּכִ֥ים אַתֶּ֭ם לַיהוֽה׃
המזמן – בִּרְשׁ֤וּת הַתּוֹרָה֙ הַ֣קְּדוֹשָׁ֔ה טְהוֹרָ֣ה הִ֔יא וְגַ֖ם פְּרוּשָׁ֑ה
צִיוָה֙ לָ֣נוּ מוֹרָשָׁ֔ה מֺשֶׁ֖ה עֶ֥בֶד יהוֽה׃
האוכלים – נוֹדֶ֥ה לְשִׁמְךָ֭ בְּת֣וֹךְ אֱמוּנַ֑י  בְּרוּכִ֥ים אַתֶּ֭ם לַיהוֽה׃
המזמן – בִּרְשׁ֤וּת הַכֹּהֲנִים֙ וְהַלְוִיִּ֔ם אֶקְרָ֕א לֶאֱלֹהֵ֣י הָעִבְרִיִּ֑ים
אֲהוֹדֶ֨נּוּ֙ בְּכׇ֣ל אִיִּ֔ים אֲבָרְכָ֖ה אֶ֥ת יהוֽה׃
האוכלים – נוֹדֶ֥ה לְשִׁמְךָ֭ בְּת֣וֹךְ אֱמוּנַ֑י  בְּרוּכִ֥ים אַתֶּ֭ם לַיהוֽה׃
המזמן – בִּרְשׁ֤וּת מָרָנָן֙ וְרַבָּנָ֣ן וְרַבּוֹתַ֔י אֶ֣פְתְּחָ֔ה בְּשִׁ֖יר פִּ֣י וּשְׂפָתַ֑י
וְתֹ֨אמַ֧רְנָה עַצְמוֹתַ֛י בָּר֥וּךְ הַבָּ֖א בְּשֵׁ֥ם יהוֽה׃
האוכלים – נוֹדֶ֥ה לְשִׁמְךָ֭ בְּת֣וֹךְ אֱמוּנַ֑י  בְּרוּכִ֥ים אַתֶּ֭ם לַיהוֽה׃
המזמן – בִּרְשׁ֕וּת מְרָנָ֥ן וְרַבָּנָ֖ן וְרַבּוֹתַ֑י
נְבָרֵךְ֙ אֱ֣לֹהֵ֔ינוּ שֶׁ֣אָכַ֔לְנוּ מִ֖שֶּׁלֽוֹ׃
האוכלים – בָּרוּךְ֙ אֱ֣לֹהֵ֔ינוּ שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִ֑ינוּ
המזמן – בָּרוּךְ֙ אֱ֣לֹהֵ֔ינוּ שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִֽינוּ׃
האוכלים – בָּר֥וּךְ ה֖וּא וּבָר֥וּךְ שְׁמֽוֹ׃

בסעודת ברית מילה
מוסיפים את הברכות האלו בפרשת ׳הרחמן׳


הָרַחֲמָ֕ן ה֨וּא יְבָרֵ֜ךְ אֲבִ֣י ׀ הַיֶּ֣לֶד וְאִמּ֗וֹ
וְיִזְכּ֛וּ לְגַדְּל֖וֹ וּלְחַנְּכ֣וֹ וּלְחַכְּמ֑וֹ
מִיּ֤וֹם הַשְּׁמִינִי֙ וָהָלְאָ֔ה יֵרָצֶ֧ה דָמ֛וֹ
וִיהִ֛י יהו֥ה אֱלֹהָ֖יו עִמּֽוֹ׃

הָרַחֲמָ֕ן ה֨וּא יְבָרֵ֜ךְ בַּ֣עַל ׀ בְּרִ֣ית הַמִּילָ֗ה
אֲשֶׁ֛ר שָׂ֥שׂ לַעֲשׂ֖וֹת צֶדֶ֣ק בְּגִילָ֑ה
וִישַׁלֵּ֣ם פָּעֳלוֹ֩ וּמַ֨שְׂכֻּרְתּ֧וֹ כְּפוּלָ֛ה
וְיִתְּנֵ֖הוּ לְמַ֣עְלָה לְמָֽעְלָה׃

הָרַחֲמָ֕ן ה֨וּא יְבָרֵ֜ךְ רַ֣ךְ ׀ הַנִּמּ֣וֹל לִשְׁמוֹנָ֗ה
וְיִהְי֛וּ יָדָ֥יו וְלִבּ֖וֹ לָאֵ֣ל אֱמוּנָ֑ה
וְיִזְכֶּ֨ה לִרְא֝וֹת פְּנֵ֧י הַשְּׁכִינָ֛ה
שָׁל֖וֹש פְּעָמִ֣ים בַּשָּׁנָֽה׃

הָרַחֲמָ֕ן ה֨וּא יְבָרֵ֜ךְ הַמָּ֣ל ׀ בְּשַׂ֣ר הָעׇרְלָ֗ה
  וּפָרַ֥ע וּמָצַ֖ץ דְּמֵ֣י הַמִּילָ֑ה
אִ֨ישׁ הַיָּרֵ֝א וְרַ֣ךְ הַלֵּבָ֗ב יֵרָצֶ֣ה עֲבוֹדָתוֹ֮ פְסוּלָה֒
אִ֨ם שָׁל֧וֹש אֵ֛לֶּה לֹ֖א יַעֲשֶׂ֥ה לָֽהּ׃

הָרַחֲמָ֕ן הוּא֩ יִשְׁלַ֨ח לָ֜נוּ מְשִׁיח֣וֹ ׀ הוֹלֵ֣ךְ תָּמִ֗ים
בִּזְכ֧וּת חֲתַ֛ן לַמּוּל֖וֹת דָּמִ֑ים
לְבַשֵּׂ֨ר בְּשׂוֹר֤וֹת טוֹבוֹת֙ וְנִחוּמִ֔ים
לְעַ֧ם אֶחָ֧ד מְפֻזָּ֥ר וּמְפֻרָ֖ד בֵּ֥ין הָעַמִּֽים׃

הָרַחֲמָ֕ן הוּא֩ יִשְׁלַ֨ח לָ֜נוּ כֹהֵ֣ן צֶדֶק֮ אֲשֶׁ֣ר לֻקַּ֣ח לְעֵילֹם֒
עַ֚ד הוּכַ֣ן כִּסְא֔וֹ כַּשֶּׁ֖מֶשׁ וְיָהֲלֹ֑ם
וַיָּ֨לֶט פָּנָ֝יו בְּאַדַּרְתּ֣וֹ וַיִּגְלֹ֗ם
בְּרִיתִ֧י הָיְתָ֛ה אִתּ֖וֹ הַחַיִּ֥ים וְהַשָּׁלֽוֹם׃


תוספות לנוסח בסעודה בבית אבל
זימון לסעודה בבית אבל

המזמן – רַבּוֹתַ֨י נְבָרֵ֜ךְ!
האוכלים – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֣ד עוֹלָ֑ם 
המזמן – יְהִ֕י שֵׁ֨ם יהו֧ה מְבֹרָ֛ךְ מֵעַ֖תָּה וְעַ֥ד עוֹלָֽם׃
בִּרְשׁ֕וּת מְרָנָ֥ן וְרַבָּנָ֖ן וְרַבּוֹתַ֑י
נְבָרֵךְ֙ מְנַחֵ֣ם אֲבֵלִ֔ים שֶׁאָכַ֖לְנוּ מִשֶּׁלּֽוֹ׃
האוכלים – בָּרוּךְ֙ מְנַחֵ֣ם אֲבֵלִ֔ים שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִ֑ינוּ
המזמן – בָּרוּךְ֙ מְנַחֵ֣ם אֲבֵלִ֔ים שֶׁאָכַ֣לְנוּ מִשֶּׁל֔וֹ וּבְטוּב֖וֹ חָיִֽינוּ׃
האוכלים – בָּר֥וּךְ ה֖וּא וּבָר֥וּךְ שְׁמֽוֹ׃

בין ׳ וּבְנֵ֨ה יְרוּשָׁלַ֜יִם ׳ ל–׳ יְרוּשָׁלַ֖יִם אָמֵֽן ׳
במקומו שומרים
נַחֵ֣ם יהו֣ה אֱלֹהֵינוּ֩ אֶ֨ת אֲבֵלֵ֤י צִיּוֹן֙ וְאֶת־אֲבֵלֵ֣י יְרוּשָׁלַ֔יִם וְאֶת֙ הָאֲבֵלִ֔ים הַמִּתְאַבְּלִ֖ים בָּאֵ֣בֶל הַזֶּ֑ה נַחֲמֵם֙ מֵאֶבְלָ֔ם וְשַׂמְּחֵ֖ם מִיגוֹנָֽם׃ כָּאָמ֕וּר כְּאִ֕ישׁ אֲשֶׁ֥ר אִמּ֖וֹ תְּנַחֲמֶ֑נּוּ כֵּ֤ן אָֽנֹכִי֙ אֲנַ֣חֶמְכֶ֔ם וּבִירֽוּשָׁלַ֖‍ִם תְּנֻחָֽמוּ׃
בָּרוּךְ֙ אַתָּ֣ה יהו֔ה מְנַחֵ֣ם צִיּ֔וֹן בְּבִנְיַ֥ן יְרוּשָׁלַ֖יִם אָמֵֽן׃

בין ׳ ה֨וּא הֵיטִ֤יב ׳ ל –׳ לְעוֹלָ֖ם אַ֥ל יְחַסְּרֵֽנוּ ׳
במקומו שומרים
ה֤וּא הֵיטִיב֙ ה֣וּא מֵיטִ֔יב ה֖וּא יֵיטִ֥יב לָֽנוּ׃ הַמֶּלֶ֨ךְ הַחַ֜י הַטּ֣וֹב וְהַמֵּטִ֗יב אֵ֤ל אֱמֶת֙ דַּיָּ֣ן אֱמֶ֔ת שׁוֹפֵ֣ט בְּצֶ֔דֶק לוֹקֵ֤חַ נְפָשׁוֹת֙ בְּמִשְׁפָּ֔ט שַׁלִּ֧יט בְּעוֹלָ֛מוֹ לַעֲשׂ֥וֹת בּ֖וֹ כִּרְצוֹנ֑וֹ כִּ֨י כׇ֤ל דְּרָכָיו֙ מִשְׁפָּ֔ט וַאֲנַחְנ֥וּ עַמּ֖וֹ וַעֲבָדָֽיו׃ וְעַל־הַכֺּ֕ל אֲנַחְ֧נוּ חַיָּיבִ֛ים לְהוֹד֥וֹת ל֖וֹ וּלְבָרְכֽוֹ׃ גּוֹדֵ֥ר פְּרָצ֖וֹת יִשְׂרָאֵ֑ל ה֣וּא יִגְדּוֹר֮ אֶ֣ת הַפִּרְצָ֣ה הַזּאת֒ מֵעָלֵ֗ינוּ וּמֵעַ֣ל הָאָבֵ֣ל הַזֶּה֩ לְחַ֨יִּים וּלְשָׁל֜וֹם וּלְכׇ֣ל ט֗וֹב וּמִ֧כׇׇּל ט֛וּב לְעוֹלָ֖ם אַ֥ל יְחַסְּרֵֽנוּ׃

The full Birkat haMazon (or Grace after Meals) according to Nusaḥ Ashkenaz with optional additions for egalitarian rites, fully marked with ta’amei miqra (also known as cantillation marks or trope). Ta’amei miqra originally marked grammar and divisions in any Hebrew sentences, and older Hebrew manuscripts such as those from the Cairo Geniza often show ta’amei miqra on all sorts of texts, not just the Biblical texts we associate them with today. This text includes the full tradition for Birkat haMazon, including texts for weekdays, Shabbatot, and festivals, as well as additions for a wedding meal, a circumcision meal, and a meal in a mourner’s house.

Source

Download Birkat-haMazon-with-cantillation-Isaac-Gantwerk-Mayer-2018.pdf (PDF, 175KB)

Comments, Corrections, and Queries


בסיעתא דארעא