תהלים כ״א בלשון לאדינו | Psalms 21 by David in Ladino (Estampado por Ǧ. Griffit, ca. 1852/3) • the Open Siddur Project

Tags: 19th century C.E., 57th century A.M., Izmir, Ladino Translation, Ottoman Empire, Ottoman Jewry, Psalms 21, למנציח Lamnatse'aḥ, מזמור Mizmor, תהלים Psalms

Content:

Source (Hebrew)	Translation (Ladino)
^א לַמְנַצֵּ֗חַ מִזְמ֥וֹר לְדָוִֽד׃	¹ אל פרימיר קאנטאדור. סאלמו די דויד:
^ב יְֽהוָ֗ה בְּעָזְּךָ֥ יִשְׂמַח־מֶ֑לֶךְ וּ֝בִישׁ֥וּעָתְךָ֗ מַה־יגיל [יָּ֥גֶל] מְאֹֽד׃	² או ה׳! אין טו פﬞורטאליזה סי אליגרה איל ריי, אי אין טו סאלבﬞאסייון קואנטו מוגﬞו סי אגוזה:
^ג תַּאֲוַ֣ת לִ֭בּוֹ נָתַ֣תָּה לּ֑וֹ וַאֲרֶ֥שֶׁת שְׂ֝פָתָ֗יו בַּל־מָנַ֥עְתָּ סֶּֽלָה׃	³ דיסטי אה איל איל דיזיאו די סו קוראסון. אי לה דימאנדה די סוס לאבﬞייוס נון בﬞידאסטי. סלה:
^ד כִּֽי־תְ֭קַדְּמֶנּוּ בִּרְכ֣וֹת ט֑וֹב תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃	⁴ פורקי לו אקונאנטאס קון בינדיסייוניס די ביין. פוניס סובﬞרי סו קאבﬞיסה אונה קורונה די אורו פﬞינו׃
^ה חַיִּ֤ים ׀ שָׁאַ֣ל מִ֭מְּךָ נָתַ֣תָּה לּ֑וֹ אֹ֥רֶךְ יָ֝מִ֗ים עוֹלָ֥ם וָעֶֽד׃	⁵ לה בﬞידﬞה דימאנדו די טי. אי לי דיסטי לונגורה די דיאס פארה סיימפרי אי סיימפרי׃
^ו גָּד֣וֹל כְּ֭בוֹדוֹ בִּישׁוּעָתֶ֑ךָ ה֥וֹד וְ֝הָדָר תְּשַׁוֶּ֥ה עָלָֽיו׃	⁶ סו אונרה איס גראנדי פור טו סאלבﬞאסייון. מאייסטאדﬞ אי אירמוזורה פוניס סובﬞרי איל׃
^ז כִּֽי־תְשִׁיתֵ֣הוּ בְרָכ֣וֹת לָעַ֑ד תְּחַדֵּ֥הוּ בְ֝שִׂמְחָ֗ה אֶת־פָּנֶֽיךָ׃	⁷ פורקי לו פונדראס פור בינדיסייוניס פארה סיימפרי. לו אליגראראס קון אליגריאה דילאנטי די טוס פﬞאסיס׃
^ח כִּֽי־הַ֭מֶּלֶךְ בֹּטֵ֣חַ בַּיהוָ֑ה וּבְחֶ֥סֶד עֶ֝לְי֗וֹן בַּל־יִמּֽוֹט׃	⁸ פורקי איל ריי איסטה אינפﬞיגוזייאדﬞו אין ה׳. אי פור לה מירסידﬞ דיל אלטיסימו נון סי איסמובﬞירה׃
^ט תִּמְצָ֣א יָ֭דְךָ לְכָל־אֹיְבֶ֑יךָ יְ֝מִֽינְךָ תִּמְצָ֥א שֹׂנְאֶֽיךָ׃	⁹ טו מאנו אלקאנסארה אה טודﬞוס טוס אינימיגוס. טו דיריגﬞה אלקאנסארה אה טוס אבוריסידﬞוריס׃
^י תְּשִׁיתֵ֤מוֹ ׀ כְּתַנּ֥וּר אֵשׁ֮ לְעֵ֪ת פָּ֫נֶ֥יךָ יְ֭הוָה בְּאַפּ֣וֹ יְבַלְּעֵ֑ם וְֽתֹאכְלֵ֥ם אֵֽשׁ׃	¹⁰ לוס פונדראס פור אורנו די פﬞואיגו אה לה אורה די מוסטרארליס טוס פﬞאסיס. ה׳ אין סו פﬞולור לוס דיסטרואירה. איל פﬞואיגו לוס קימארה׃
^יא פִּ֭רְיָמוֹ מֵאֶ֣רֶץ תְּאַבֵּ֑ד וְ֝זַרְעָ֗ם מִבְּנֵ֥י אָדָֽם׃	¹¹ סו פﬞרוטו דיפירדיראס די לה טיירה. אי סו סימין די אינטרי לוס איזﬞוס די אומברי׃
^יב כִּי־נָט֣וּ עָלֶ֣יךָ רָעָ֑ה חָֽשְׁב֥וּ מְ֝זִמָּ֗ה בַּל־יוּכָֽלוּ׃	¹² פורקי בולבﬞיירון סובﬞרי טי מאל. פינסארון ארטיפﬞיסייו, קי נון פודﬞיירון קומפליר׃
^יג כִּ֭י תְּשִׁיתֵ֣מוֹ שֶׁ֑כֶם בְּ֝מֵֽיתָרֶ֗יךָ תְּכוֹנֵ֥ן עַל־פְּנֵיהֶֽם׃	¹³ פורקי לוס פונדראס קון סו איספאלדה בואילטה פארה פﬞואיר. קון טוס קואירדאס קומפונדראס קונטרה סוס פﬞאסיס׃
^יד ר֣וּמָה יְהוָ֣ה בְּעֻזֶּ֑ךָ נָשִׁ֥ירָה וּֽ֝נְזַמְּרָה גְּבוּרָתֶֽךָ׃	¹⁴ אינאלטיסיטי ה׳ אין טו פﬞורטאליזה. קאנטארימוס אי סאלמיארימוס טו באראגאניאה׃

To the best of my ability, this is a faithful transcription of Psalms 21 from תהילים או לוס סאלמוס ; טריסלאד’אד’וס דיל לשון הקדש אין לה לינגואה ספרדית (Tehillim, or the Psalms, translated from the Holy language [Hebrew] into the Sephardic language, Estampado por Ǧ. Griffit 1852/3) from a digital copy made available by the collection of Sephardic Studies at the University of Washington. Please join me in making a complete transcription of this Ladino translation of Psalms. –Aharon N. Varady

The special Ladino diacritic appearing over some of the letters (e.g., שﬞ) is called a varika.

Transcription Source

Featured Image:

Title: psalms 21 – Tehilim,_o_los_Salmos,_trezladados_del_leshon_ha-ḳodesh_en_la_lingua_Sefaradit.pdf
Caption: