תהלים י״ט בלשון לאדינו | Psalms 19 by David in Ladino (Estampado por Ǧ. Griffit, ca. 1852/3) • the Open Siddur Project

Tags: 19th century C.E., 57th century A.M., Astrological, Izmir, Ladino Translation, Ottoman Empire, Ottoman Jewry, psalms 19, למנציח Lamnatse'aḥ, מזמור Mizmor, תהלים Psalms, Needing Proofreading

Content:

Source (Hebrew)	Translation (Ladino)
^א לַמְנַצֵּ֗חַ מִזְמ֥וֹר לְדָוִֽד׃	¹ אל פרימיר קאנטאדﬞור. סאלמו די דויד:
^ב הַשָּׁמַ֗יִם מְֽסַפְּרִ֥ים כְּבֽוֹד־אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃	² לוס סיילוס ריקונטאן לה אונרה דיל דייו. אי לה איספאנדידﬞורה דינונסייה איל איגﬞו די סוס מאנוס:
^ג י֣וֹם לְ֭יוֹם יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־דָּֽעַת׃	³ די דיאה אה דיאה פאסה איל דיגﬞו, אי נוגﬞי אה נוגﬞי דינונסייה איל סאבﬞיר:
^ד אֵֽין־אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽם׃	⁴ נון איי דיגﬞו, אי נון איי פאלאבﬞראס. נון איס אואידﬞה סו בוז:
^ה בְּכָל־הָאָ֨רֶץ ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־אֹ֥הֶל בָּהֶֽם׃	⁵ אימפירו סו קואירדה סאלי פור טודﬞה לה טיירה, אי סוס פאלאבﬞראס אל קאבﬞו דיל מונדו. אל סול פוזו טיינדה אין אילייוס:
^ו וְה֗וּא כְּ֭חָתָן יֹצֵ֣א מֵחֻפָּת֑וֹ יָשִׂ֥ישׂ כְּ֝גִבּ֗וֹר לָר֥וּץ אֹֽרַח׃	⁶ אי איל איס קומו נובﬞייו, קי סאלי די סו טאלאמו. סי אגוזה קומו באראגאן פארה קוריר איל קאמינו:
^ז מִקְצֵ֤ה הַשָּׁמַ֨יִם ׀ מֽוֹצָא֗וֹ וּתְקוּפָת֥וֹ עַל־קְצוֹתָ֑ם וְאֵ֥ין נִ֝סְתָּ֗ר מֵֽחַמָּתוֹ׃	⁷ דיל קאבﬞו די לוס סיילוס איס סו סאלידﬞה. אי סו רודﬞיאו אסטה סוס קאבﬞוס. אי נון איי קוזה אינקובﬞיירטה די סו קאלור:
^ח תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃	⁸ לה ליי די ה׳ איס פריניזמה, טורנאנדו לה אלמה. איל טיסטימונייו די ה׳ איס פﬞיאיל, אזיינדו סאבﬞייו אל טורפי:
^ט פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃	⁹ לוס מאנדאמיינטוס די ה׳ סון דיריגﬞוס, אליגראנדו איל קוראסון. לה אינקומינדאנסה די ה׳ איס קלארה, אלומבראנדו לוס אוזﬞוס:
^י יִרְאַ֤ת יְהוָ֨ה ׀ טְהוֹרָה֮ עוֹמֶ֪דֶת לָ֫עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃	¹⁰ איל טימור די ה׳ איס לימפייו, פאראדﬞו פארה סיימפרי. לוס גﬞואיסייוס די ה׳ סון בﬞירדאדﬞ, סון גﬞוסטוס אאונה:
^יא הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃	¹¹ אילייוס סון קובﬞדיסייאבﬞליס מאס קי אורו, אי מאס קי אורו מויי פﬞינו. אי דולסיס מאס קי מייל אי גוטה די פאנאליס:
^יב גַּֽם־עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃	¹² טאמביין פור אילייוס טו סיירבﬞו איס אקאבﬞידﬞאדﬞו. אין גוארדארלוס איי פריסייו גראנדי:
^יג שְׁגִיא֥וֹת מִֽי־יָבִ֑ין מִֽנִּסְתָּר֥וֹת נַקֵּֽנִי׃	¹³ קיין קונוסי טודﬞוס לוס יירוס? די לוס אינקובﬞיירטוס לימפייאמי:
^יד גַּ֤ם מִזֵּדִ֨ים ׀ חֲשֹׂ֬ךְ עַבְדֶּ֗ךָ אַֽל־יִמְשְׁלוּ־בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃	¹⁴ טאמביין די לוס פיקאדﬞוס די סובﬞירבﬞייה דיבﬞידﬞה אה טו סיירבﬞו, פארה קי נון טינגאן פודﬞיר אין מי. אינטונסיס סירי פריניזמו, אי סירי לימפייו די ריבﬞילייו גראנדי:
^טו יִֽהְי֥וּ לְרָצ֨וֹן ׀ אִמְרֵי־פִ֡י וְהֶגְי֣וֹן לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃	¹⁵ סיאן לוס דיגﬞוס די מי בוקה אי איל פינסאמיינטו די מי קוראסון אגראדﬞאבﬞליס דילאנטי די טי, ה׳ מי פינייה אי מי ריגמידﬞור:

To the best of my ability, this is a faithful transcription of Psalms 19 from תהילים או לוס סאלמוס ; טריסלאד’אד’וס דיל לשון הקדש אין לה לינגואה ספרדית (Tehillim, or the Psalms, translated from the Holy language [Hebrew] into the Sephardic language, Estampado por Ǧ. Griffit 1852/3) from a digital copy made available by the collection of Sephardic Studies at the University of Washington. Please join me in making a complete transcription of this Ladino translation of Psalms. –Aharon N. Varady

Psalms 19 is recited in its entirety during the Psukei deZimra of Shabbat and Yom Tov. Psalms 19:15 is recited during the closing to the Amidah.

The special Ladino diacritic appearing over some of the letters (e.g., שﬞ) is called a varika.

Transcription Source

Featured Image:

Title: psalms 19 – Tehilim,_o_los_Salmos,_trezladados_del_leshon_ha-ḳodesh_en_la_lingua_Sefaradit.pdf
Caption: